Celine Dion bën daljen e parë publike në gati katër vjet mes betejës me sëmundjen e rrallë

Celine Dion bëri paraqitjen e saj të parë publike në gati katër vjet, teksa vazhdon të luftojë me sindromën e rrallë neurologjike.

Këngëtarja e “My Heart Will Go On”, 55 vjeçe, ndoqi një lojë NHL në T-Mobile Arena në Las Vegas të hënën mbrëma midis Vegas Golden Knights dhe ekipit të vendlindjes së saj, Montreal Canadiens.

Pas ndeshjes, në të cilën Habs humbën, Dion hyri në dhomën e zhveshjes dhe zhvilloi një bisedë entuziaste me të gjithë ndërsa ajo shkonte përreth dhe u shtrëngoi duart.

Pavarësisht problemeve serioze shëndetësore, ylli francezo-kanadez dukej se ishte në një gjendje shpirtërore të jashtëzakonshme, shkruan PageSix.

Djali i saj Rene-Charles dhe binjakët, Eddy dhe Nelson, ishin me të dhe pozuan për foto me disa lojtarë.

Dion njoftoi diagnozën e saj në dhjetor 2022 pas anulimeve të ndryshme të koncerteve – dhe përfundimisht anuloi turneun e saj botëror “Courage”.

Sindroma e yllit është një “çrregullim i rrallë neurologjik progresiv” që mund të shkaktojë ngurtësim të muskujve në gjoks, krahë dhe këmbë, sipas Institutit Kombëtar të Shëndetit.

Në fillim të gushtit, motra e këngëtares “It’s All Coming to Me Now” Claudette Dion tregoi se Celine po luftonte me sëmundjen e saj.

Lexo po ashtu Të gjitha lajmet nga Celine Dion

“Ne nuk mund të gjejmë asnjë ilaç që funksionon, por të kesh shpresë është e rëndësishme”, tha Claudette për Le Journal de Montreal.

Claudette, tha se ndjeu se anulimi i turneut të saj nga Celine ishte vendimi më i mirë, sepse ajo ndjen se interpretuesja “duhet të pushojë”.

“Ajo shkon gjithmonë mbi dhe përtej, ajo gjithmonë përpiqet të jetë më e mira dhe në krye të lojës së saj”, tha ajo.

“Në një moment, zemra dhe trupi juaj po përpiqen t’ju thonë diçka. Është e rëndësishme ta dëgjosh atë”, shtoi motra e yllit.

Që kur këngëtarja e “I’m Alive” u diagnostikua me sëmundjen, motra e saj Linda Dion është zhvendosur në shtëpinë e Celine në Vegas për të ndihmuar në kujdesin për të. /Telegrafi/