Cassano: Opsioni i vetëm i Contes është Real Madridi, Zidane mund të përfundojë te PSG

Ish-sulmuesi i Real Madridit, Antonio Cassano mendon se bashkëkombësi i tij, Antonio Conte mund të përfundojë te Los Blancos pas largimit nga Interi, ndërsa Zinedine Zidane mund të jetë një zgjedhje ideale për Paris Saint-Germain.

Mund të ketë mjaft lëvizje interesante të trajnerëve në klubet më të mira të Evropës këtë verë, me disa largime të paralajmëruara dhe të tjera të përfolura.

Conte është larguar nga Interi pasi i udhëhoqi ata drejt Scudettos së tyre të parë në më shumë se një dekadë dhe Cassano, i cili ka qenë kritik ndaj stilit të tij në të kaluarën, mendon se Real Madridi është destinacioni i tij i vetëm i mundshëm këtë verë.

Lexo po ashtu Conte shihet si favorit për të marrë drejtimin e Real Madridit

“Për mua, opsioni i vetëm i Contes është Real Madridi”, ka thënë fillimisht Cassano për BoboTV.

“Koha e tij në Inter ishte pozitive, me një vit të parë të mirë dhe fitoi Scudetto në të dytin, duke luajtur në mënyrën e tij”.

Lexo po ashtu Paris Saint-Germain dhe Juventusi në garë për ta ‘rrëmbyer’ trajnerin Zidane

“Unë nuk mendoj se ai mund të shkojë në PSG sepse ata nuk kanë lojtarët e duhur për lojën e tij ose ndajnë mentalitetin e tij të futbollit; Zidane është perfekt për PSG”, përfundoi italiani.

Mauricio Pochettino mbetet në krye të PSG-së, por ka pasur shumë spekulime në lidhje me të ardhmen e tij, duke përfshirë bisedimet për një kthim të mundshëm në Tottenham Hotspur. /Telegrafi/