Cape Verde së shpejti

Janë publikuar specifikat përfundimtare të çipave grafik të AMD-së Cape Verde, të cilët do të jenë bazë e serisë Radeon HD 7700. Çipi i përmendur momentalisht do të jenë versioni më i lirë i GCN arkitekturës 28-nanometërshe me krejtësisht 1.5 miliard transistor, dhe do të përdoren në kartelat Radeon HD 7750 dhe 7770.

Më i liri Radeon HD 7750 dhe ka 8 CU njësi aktive dhe krejtësisht 512 stream procesor, mbledhësen e memories prej 128-bit dhe 1 GB të memories GDDR5. Taktet e GPU-së dhe memories janë 800 MHz dhe 4.5 GHz, derisa performancat teorike single-precision janë 819 Gigaflops. Shpenzimi i ulët prej 55 W nënkupton edhe se kartela për punë nuk do të ketë nevojë për furnizime shtesë të tensionit.

Më i fuqishmi Radeon HD 7770 ka të aktive të 10 njësitë CU për krejtësisht 640 stream procesor me takt dukshëm më të lartë – GPU zakonisht punon në 1 GHz, derisa memoria mbetet në 4.5 GHz. Shpenzimi është rreth 80 W, derisa performancat e modelit 7770 (sipas informatave jozyrtare) janë diku në rangun e Radeon HD 6850. Të dy çipat kanë 40 njësi për teksturë dhe 16 njësi ROP.

Çmimet e pritura janë prej 90 deri në 100 euro për 7750 dhe rreth 115 euro për 7770, derisa shitja do të duhej të filloj këtë muaj. /Telegrafi/