Burri godet me grusht në kokë foshnjën 8-muajshe që po e mbante dorë njerku, kamerat e sigurisë filmojnë momentin (Video, +18)

Një moment rrëqethës është filmuar nga kamerat e sigurisë brenda një marketi, ku një foshnje është goditur me grusht në kokë nga një burrë i cili tentoi ta godasë njerkun e foshnjës.

Foshnja 8-muajshe është goditur befasisht me grusht në kokë, por ai grusht ishte i dedikuar për njerkun që po e mbante në dorë, transmeton Telegrafi.

Pamjet e filmuara nga kamerat e sigurisë të publikuara nga pronari i marketit, shfaqin momentin kur pas një mosmarrëveshje mes njerkut dhe një burri, eskalon situata dhe fillon rrahja e papritur.

Pas këtij veprimi njerku i foshnjës largohet për disa momente për ta larguar foshnjën, dhe u rikthye për të vazhduar rrahjen, por sërish doli humbës pasi sulmuesi vazhdonte ta godiste.

Edhe pse nëpunësi i marketit në qytetin Palmira afër qytetit Mendoza në vijën kufitare Argjentinë-Kili, u mundua të ndajë dyshen ata vazhduan të shkëmbejnë grushta.

Mediat lokale raportojnë se si pasojë e këtij sulmi foshnjës i është thyer nofulla, por njerku i tij ka përgënjeshtruar lajmin duke thënë se nuk është lënduar rëndë.

Ndërkaq, sulmuesi i identifikuar nga policia si Gustavo Mesa, tani është duke u hetuar, ndërsa nëna e vogëlushit ka ngritur padi kundër tij. /Telegrafi/