Bubevski: Në prokurori nuk ka rast më të vështirë për momentin se Onkologjia, ende nuk ka ardhur ekspertiza nga Sllovenia

Në prokurori për momentin nuk ka rast më të vështirë se rasti i Onkologjisë, sepse janë në lojë shumë fate, thotë prokurori Gavrill Bubevski.

“Prokuroria do të dënojë të gjithë ata që kanë ndërmarrë veprime që nuk duhej të bënin në kuadër të kompetencave të tyre, si mjekë dhe si drejtorë. Pastaj çfarë nuk bënë që duhej të bënin dhe çfarë bënë nuk duhej të bënin. Ekspertët janë në atë drejtim, detajet do të prezantohen kur të kemi raport të duhur të prokurorit publik”, tha Bubevski në “Top Tema”.

Siç thotë ai, ky është njëri drejtim në të cilin po lëviz lënda e Onkologjisë.

“Nga Sllovenia ende nuk ka ardhur raporti i ekspertit. Për shkak të dokumentacionit të gjerë, ata kërkuan një afat shtesë përmes gjyqtarit që e trajton procedurën në Slloveni përmes ndihmës juridike ndërkombëtare. Ky është një aspekt i Onkologjisë, por nuk do ta zgjidhë problemin. Dikush që ka bërë diçka do të ndëshkohet, por nuk do ta zgjidhë problemin.

Apeli im është që të mblidhen të gjithë autoritetet, që kanë pushtet politik dhe shëndetësor, t’i lëmë kotësinë, të mbyllim të gjithë brenda, në shtëpi në dollapët e tyre dhe të dalim e të shohim se çfarë mund të bëjmë për këta njerëz”, tha Bubevski./Telegrafi/