Brooklyn Beckham dhe Nicola Pelz janë çifti më i ri në ‘showbizin’ ndërkombëtar, të cilët u fejuan verën që lamë pas.
Në faqet rozë menjëherë qarkulloi lajmi se vitin tjetër dyshja po pretendojnë të martohen, por për shkak të pandemisë data është shtyrë, shkruan Daily Mail.
Pas një vendimi të tillë, dyshja janë parë për herë të parë në New York, teksa dorë për dore u shfaqën në aeroport.
Nicole ishte veshur e gjithë në të zezë, teksa maska mbrojtëse dhe kapela i mbulonin pothuajse të gjithë fytyrën.
Ndryshe nga modelja, Brooklyn kishte zgjedhur ngjyrën e bardhë për veshjen e tij, kurse edhe tek ai maska mbrojtëse nuk kishte munguar.
Ndërkohë, flitet se martesa që u planifikua të ndodhë në vitin 2021, është shtyrë për në shtatorin 2022. /Telegrafi/
