Britney Spears reflekton për martesën 55-orëshe me Jason Alexander: Isha e dehur

Libri i shumëpritur i Britney Spears, “The Woman in Me”, më në fund është publikuar, me yllin e muzikës pop që i ka rrëfyer të gjithë.

Në janar 2004, një 22-vjeçare e atëhershme bëri bujë të madhe kur u martua me Jason Alexander në një dasmë në Las Vegas – e cila anuloi martesën 55 orë më vonë.

Në librin e saj, këngëtarja e “Piece of Me” ka pasqyruar historinë e martesës së saj jetëshkurtër me mikun e fëmijërisë.

“Ashtu siç do të bëjë një njëzetvjeçare pas disa pijeve, unë u shtriva në shtrat me një nga miqtë e mi – një shok fëmijërie”, shpjegoi ajo.

Lexo po ashtu Çfarë shkroi Britney Spears për ish-bashkëshortin Sam Asghari në librin e ri “The Woman In Me”?

“Natën e tretë që ishim bashkë, ai dhe unë u përballëm. Nuk e mbaj mend fare atë natë, por nga ajo që kam mbledhur së bashku, ai dhe unë u ulëm nëpër dhomën e hotelit dhe qëndruam deri vonë duke parë filma – Mona Lisa Smile dhe The Texas Chainsaë Massacre – më pas patë idenë për të shkuar në një kishëz. Kur arritëm atje, një çift tjetër po martohej, ndaj na u desh të prisnim. Po – kemi pritur në radhë për t’u martuar”.

Ajo vazhdoi: “Njerëzit më kanë pyetur nëse e doja atë. Për të qenë e qartë: ai dhe unë nuk ishim të dashuruar. Unë sinqerisht isha shumë e dehur – dhe ndoshta në një kuptim më të përgjithshëm në atë kohë të jetës sime, shumë e mërzitur”.

Këngëtarja shtoi se për familjen e saj, dasma surprizë ishte “sikur të kisha nisur Luftën e Tretë Botërore”.

Pas divorcit nga Alexander, Spears u martua me Kevin Federline në tetor të atij viti.

Çifti mirëpriti djemtë Sean dhe Jayden përpara se të ndaheshin në vitin 2007. /Telegrafi/