Britania e Madhe i vendos sanksione drejtuesve të burgut ku mbahej Alexei Navalny

Britania e Madhe ka ngrirë asetet e gjashtë menaxherëve të kolonisë penale ruse në Rrethin Arktik, ku kreu i opozitës Alexei Navalny kreu dënimin dhe në fund vdiq.

Siç raporton BBC, drejtuesit e burgjeve të sanksionuar do të ndalohen të hyjnë në Britaninë e Madhe, transmeton Telegrafi.

Gjashtë persona u sanksionuan, përfshirë drejtorin e burgut dhe pesë zëvendësit e tij. Udhëheqësit perëndimorë fajësojnë autoritetet ruse, përfshirë presidentin Vladimir Putin, për vdekjen e Navalny.

Lexo po ashtu Kishin dalë në poligonin e hapur të stërviten, ukrainasit i goditën rëndë rusët me HIMARS – fusha u mbush me 65 ushtarë të vrarë

“Ata që janë përgjegjës për trajtimin brutal të Navalny nuk duhet të kenë iluzione – ne do t’i gjejmë ata fajtorë”, tha Sekretari i Jashtëm britanik, David Cameron.

Në shpalljen e sanksioneve, Cameron tha se autoritetet ruse e shihnin Navalny-n si një kërcënim dhe ishin përpjekur herë pas here ta heshtnin.

“Kjo është arsyeja pse ne po sanksionojmë zyrtarët më të lartë të burgut, përgjegjës për burgosjen e tij në koloninë e burgut ku ai kaloi muajt e tij të fundit”, tha Cameron. /Telegrafi/