Brazili në të tetën e finales, Serbia kthehet në shtëpi

Kombëtarja e Brazilit e ka siguruar pjesëmarrjen në 1/8 e finales në Kampionatin Botëror, pas fitores ndaj Serbisë (2-0) në ndeshjen e fundit të fazës grupore.

Selecao u tregua skuadër bindëse nga fillimi dhe në këtë mënyrë është kualifikuar në fazën e eliminimit direkt nga vendi i parë në Grupin E.

Rezultati u zhbllokua në minutën e 36-të nga Paulinho, i cili u asistua nga Philippe Coutinho.

Pas një harkimi nga këndi të Neymar, Thiago Silva e dyfishoi epërsinë duke shënuar me kokë (68′).

Brazilianët patën edhe shumë raste të tjera në këtë takim, mirëpo u mjaftuan me dy gola.

Përfaqësuesja e Brazilit numëron shtatë pikë nga një barazim dhe dy fitore, dhe ndodhet në krye të Grupit E.

Zvicra e ka përfunduar fazën grupore në vend të dytë (me pesë pikë) pasi ka luajtur baras ndaj Kosta Rikës (2-2) në ndeshjen e fundit grupore.

Në 1/8 e finales, Brazili luan kundër Meksikës, ndërsa Zvicra do ta ketë kundërshtar Suedinë. /Telegrafi/

https://twitter.com/Footy_Matrix/status/1012042190485368832

https://twitter.com/WorIdCupUpdates/status/1012055768785440768