Brad Pitt padit Angelina Jolien pasi shiti një pjesë të aksioneve të saj në vreshtën ku u martuan

Brad Pitt e ka paditur ish-bashkëshorten e tij, Angelina Jolie, për shitjen e aksioneve të saj në vreshtin e tyre që do të thotë se ishte në pronësi të përbashkët.

Ish-çifti kishin blerë një shtëpi dhe vresht në jug të Francës në vitin 2008, të cilët u martuan atje gjashtë vjet më vonë, në 2014.

Megjithatë, Pitt tani po e padit Jolie dhe pretendon se qëllimisht deshi t’i ‘shkaktonte dëm’ atij duke shitur pjesën e saj, pasi ata kishin rënë dakord të mos i shisnin kurrë aksionet e tyre përkatëse pa lejen e tjetrit.

Jolie në anën tjetër mori vendimin pasi nuk ishte në gjendje të kthehej në pronë pas divorcit të tyre dhe gjeti një partneri biznesi për ta marrë përsipër, duke qenë se ajo e dinte se biznesi do të trashëgohej nga fëmijët e tyre.

Lexo po ashtu Doli kundër luftës në Ukrainë - Angelina Jolie kritikohet për marrëveshjen shumëmilionëshe me oligarkun rus

Një burim i afërt me Pitt e hodhi poshtë këtë arsyetim.

Thuhet se Pitt po kërkon dëmshpërblim ‘në një shumë që do të dëshmohet në gjyq’, ndërsa shpreson gjithashtu që shitja të shpallet e pavlefshme.

Prona gjendet saktësisht në fshatin Correns, gjersa sipas raportimeve kjo u ble nga dyshja për 25 milionë euro. /Telegrafi/