BQE: Tregu i punës po forcohet mbi pritshmëritë

Banka Qendrore Europiane (BQE), në buletinin e fundit mujor, thekson se, punësimi në Eurozonë po rritet mbi pritshmëritë, dhe se ky trend mund të vazhdojë edhe në të ardhmen.

Institucioni arrin në konkluzion se, tregu i punës në raport me GDP-në po ecën me një ritëm të njëjtë, apo edhe më të lartë se ai i vitit 2007. Kjo gjë vihet re veçanërisht në Gjermani dhe Spanjë, ku reforma në tregun e punës ka krijuar mjaftueshëm fleksibilitet.

Papunësia në Eurozonë vazhdon të mbetet pranë normës së 10%, ndërkohë që ajo për të rinjtë fiksohet në mbi 20%. Banka Qendrore Europiane argumenton se, shtetet evropiane po i rikthejnë njerëzit në tregun e punës me një ritëm më të madh se ç`pritej më parë, kryesisht falë bumit të punës me orë të pjesshme si dhe zgjerimit me hapa të shpejtë të sektorit të shërbimeve.

Norma e punësimit me GDP-në, përpara krizës ekonomike, ofronte mbështetje të madhe për familjarët, por në kurriz të rritjes së prodhimit. Një fenomeni të tillë, Banka Qendrore Europiane i trembet edhe sot. “Kjo mund të ketë kosto të lartë në projeksionet e rritjes afat-gjatë”, përfundon banka Qendrore Europiane. /Telegrafi/