BMW Alpina B6 2.7 e rrallë kushton 65 mijë euro

Një nga modelet më të rralla të BMW E30 Serie 3 është Alpina B6 2.7, dhe një kopje tani është në dispozicion për shitje në Gjermani.

Alpina B6 2.7 është një model i prodhuar në vetëm 67 kopje, dhe ajo e paraqitur në foto dhe e shitur në Gjermani është një prej tyre, më saktë është makina e 39 e prodhuar nga gjithsej 67. Fillimisht i është shitur një blerësi nga Japonia.

Siç dihet, Alpina B6 2.7 bazohet në modelin E30 325i të BMW-së, i cili fuqizohej nga një motor 2.5 në linjë me 170 kuaj fuqi.

Megjithatë, vëllimi i atij motori u rrit në 2.7 litra, gjë që rriti fuqinë në 210 kuaj fuqi dhe 264 Nm çift rrotullues.

Kjo makinë ishte në gjendje të arrinte një shpejtësi maksimale prej 225 km / orë në kohën e saj, dhe u prodhua në vitin 1986.

Mostra në fjalë u ofrua për shitje përmes eBay, që ndodhet në Gjermani dhe ka përshkuar rreth 170 mijë kilometra.

Është ende ne gjendjen e tij origjinale dhe nuk ka asnjë problem me ndryshk.

Prandaj pronari kërkon 65 mijë euro. /Telegrafi/