Blinken: Putini nuk po i arrin qëllimet në Ukrainë

Sekretari amerikan i Shtetit, Antony Blinken ka realizuar një vizitë të papritur në Ukrainë në mes të një ofensive të re ruse.

Ai deklarimin e nisi duke u thënë ukrainasve se “ju nuk jeni vetëm”, raporton bbc.

Lexo po ashtu Blinken në Kiev ka një mesazh për ukrainasit, por nuk lidhet me luftën kundër Rusisë

“Shtetet e Bashkuara kanë qenë pranë jush që nga dita e parë. Ne jemi me ju sot dhe do të qëndrojmë pranë jush”, pohoi ai.

“Ju i keni mohuar Putinit qëllimin kryesor – fshirjen e Ukrainës nga harta”, thotë Sekretari amerikan i Shtetit.

🇺🇸🇺🇦 "You [Ukrainians] have a lot to teach the Alliance, and NATO will be safer with your military by our side"

– Blinken https://t.co/R2sHvXgI8D pic.twitter.com/AZv4wdFU4k

— Lord Bebo (@MyLordBebo) May 14, 2024

Ai shton se Ukraina gjithashtu ia doli të stopojë sulmin e Rusisë ndaj kryeqytetit Kievit, raporton bbc.

“Ne do t’ia vështirësojmë punën Rusisë që t’ju godasë”, thotë Blinken, duke shtuar se “koha është thelbësore”.

Ai vë në dukje se presidenti amerikan, Joe Biden rifilloi dërgesat e municioneve në shtetin ukrainas “brenda një minute” pasi Kongresi miratoi një paketë ndihme prej 61 miliardë dollarësh.

“Ne po e sjellim Ukrainën më afër dhe më pas në NATO”, pohoi zyrtari amerikan dhe shtoi se “ne do të sigurohemi që ura e Ukrainës me NATO-n të jetë e fortë”.

Ndryshe, SHBA-të janë ndër vendet kryesore që e ndihmojnë Ukrainën, e cila është pushtuar nga Rusia që nga 24 shkurti i vitit 2022. /Telegrafi/