Bie alarmi në Bernabeu, drejtuesit e Real Madridit shqetësohen për Vinicius Jr dhe disa yje tjerë

Drejtuesit e Real Madridit janë të shqetësuar me situatën e fillim sezonit në La Liga, ku emri më i lakuar është ai i yllit brazilian, Vinicius Junior.

Gazeta Marca ka njoftuar këtë javë shqetësimin që ekzistonte rreth Vinicius Junior, performancës së tij dhe gjendjes së tij shpirtërore.

Trajneri dhe drejtuesit e klubit e kishin vërejtur se braziliani nuk ishte i njëjtë në dy javët e fundit. Motivimi i trofeut në lojë ndaj Atalantës e devijoi disi fokusin dhe tregoi versionin më të mirë të sulmuesit, por fillimi i kampionatit e ka bërë të qartë se diçka po ndodh me të.

Ndeshja kundër Las Palmas ka konfirmuar të gjitha dyshimet dhe pasiguria i ka lënë vendin një alarmi dhe sirenës që bie me volum të lartë.

🚨🚨🚨 Las alarmas se han encendido con Vinicius… y alguno más

⚪❕En el club existe preocupación por el estado de ánimo y el rendimiento del delantero brasileño
https://t.co/PQH41fqIgl

— MARCA (@marca) August 30, 2024

Lajmi i publikuar javë më parë lidhur me dëshirën e futbollit saudit për të rekrutuar Vinicius Jr shihet nga klubi si argumenti kryesor për të gjetur arsyen e mjegullimit të objektivit në punën e përditshme të brazilianit.

E vërteta është se skuadra nuk po funksionon dhe ajo që synohej të ishte një makinë e përsosur shënimi, ka çuar në një lojë rrëmujë, pa ide dhe, për shumë momente, secili të bëjë luftë më vete, veçanërisht në linjë sulmuese.

Vinicius Jr nuk është i vetmi shqetësim, pasi në qendër të vëmendjes është edhe Rodrygo Goes, i cili kontribuoi pak ose aspak kundër Las Palmas pas inkuadrimit në pushimin mes pjesëve. E vërteta është se të dy kanë luajtur, secili në mënyrën e vet, në kapitujt e vetëm të pasigurisë që rrethojnë të ardhmen e tyre këtë verë.

Si Vincius, përmes intervistës në CNN, edhe Rodrygo, duke përdorur rrjetet e tyre sociale, kanë konfirmuar dëshirën e tyre të shprehur për të vazhduar në Real Madrid, për të fituar më shumë tituj, por qëndrimi dhe gjestet nuk janë të njëjta. Mungon intensiteti, dëshira dhe mbi të gjitha efektiviteti.

Ancelotti i kërkoi skuadrës shpejtësi, dinamizëm dhe përkushtim përpara ndeshjes kundër Las Palmas. Përgjigja ishte katastrofike, sidomos në pjesën e parë.

Goli i marrë pasqyroi gjithçka në mënyrë perfekte, me atë apatinë mbrojtëse të shfaqur, por më pas ishin lojtarët e tjerë ata që u kufizuan vetëm në vrapim në fushë, në kërkim të driblimit të pamundur dhe të mos luajturit si ekip.

Trajneri thotë se ka konstatuar problemin, distancën mes linjave, mungesën e solidaritetit mes bashkëlojtarëve, diçka që po bëhet e dukshme dhe po rëndon skuadrën që nga fillimi i sezonit.

Një shqetësim gjithashtu është edhe Kylian Mbappe, i cili ende nuk e ka gjetur golin e parë në tri ndeshjet e para të La Ligës, edhe pse rastet nuk i kanë munguar. /Telegrafi/