Biden paralajmëron Rusinë: Do të bënit gabim të madh nëse do të përdornit armë bërthamore në Ukrainë

Presidenti amerikan Joe Biden ka ritheksuar qëndrimin e tij duke paralajmëruar presidentin rus Vladimir Putin, se do të “ishte gabim i madh” nga ana e tij nëse përdorë armë taktike bërthamore në Ukrainë – duke alarmuar kështu Washingtonin dhe aleatët e saj perëndimor se Rusia mund të kërkojë një pretekst për të lansuar një armë të tillë, shkruan New York Times.

Biden tha të martën se mbetet e paqartë nëse Rusia po tenton nisjen e një operacioni “false flag”, ku do të shpërthente një bombë të pistë dhe të fajësonte ukrainasit, transmeton Telegrafi.

Bomba e pistë është një armë bërthamore, por me eksploziv konvencional dhe që ka mbështjellës bërthamor.

“Rusia do të bënte një gabim serioz nëse do të përdorte armë taktike bërthamore. Nuk mund t’ju sigurojë nëse bëhet fjalë akoma për një ‘false flag’, nuk e di, por do të ishte serioze, një gabim serioz”, shtoi Biden.

Komentet e Bidenit dhe shkëmbimi kompleks i akuzave mes Rusisë dhe Ukrainës, tregojnë qartë se sa është rritur tensioni në kohën kur Rusia po humb terren në Ukrainë dhe nuk po gjen rrugëdalje, për t’i mbajtur akoma nën kontroll katër rajonet e aneksuara së fundmi. /Telegrafi/

Kujtojmë që zyrtarët e lartë ushtarakë rusë filluan serinë e akuzave për bomba të pista, duke paralajmëruar amerikanët dhe Sekretarin e Mbrojtjes Lloyd Austin dhe gjeneralin Mark Milley, se Ukraina planifikon të nisë një sulm bërthamor në territorin e Ukrainës.

Por deri më tani Moska nuk ka ofruar as edhe një dëshmi për këto pretendime, të cilat vendet perëndimore përfshirë edhe vet Ukrainën i kanë mohuar kategorikisht. /Telegrafi/