Beyonce promovon parfumin e saj, ndërsa Jay-Z reagon pas rrëzimit të padisë për sulm seksual

Beyonce ka zgjedhur të fokusohet në karrierën e saj dhe të injorojë deklaratën e bashkëshortit të saj, Jay-Z, pas rrëzimit të një padie civile që e akuzonte atë dhe Diddy për përdhunimin e një 13-vjeçareje në vitin 2000.

Këngëtarja 43-vjeçare ndau një postim në Instagram, ku shfaqej me një bust metalik të artë, duke promovuar aromën e saj të re ‘Cé Lumière’.

Me një mbishkrim që lexonte “Dashuria është ari i vetëm”, Beyonce nuk përmendi çështjen ligjore që ka përfshirë Jay-Z, shkruan DailyMail.

Ndërkohë, Jay-Z reagoi pas rrëzimit të padisë, duke e quajtur atë një fitore dhe duke deklaruar se akuzat ishin “të rreme dhe të pabaza”.

Ai theksoi ndikimin emocional që kjo situatë ka pasur mbi familjen e tij dhe kritikoi avokatin e paditësit për përdorim të sistemit gjyqësor për përfitime financiare.

Avokatët e tij, ashtu si edhe ata të Diddy-t, deklaruan se padia ishte ngritur mbi “pretendime të pavërteta” dhe se emrat e klientëve të tyre janë dëmtuar padrejtësisht.

Pavarësisht trazirave rreth bashkëshortit të saj, Beyonce duket e përqendruar te suksesi i saj dhe promovimi i markës së saj, duke vazhduar të ruajë distancën nga polemikat që rrethojnë Jay-Z. /Telegrafi/