Berlusconi: Do jem në klub për aq kohë sa ka nevojë

Silvio Berlusconi thotë se ai do të mbetet si President i Milanit për aq kohë sa ai është i nevojshëm në klub.

80-vjeçari ka qenë në prag të shitjes së klubit te Grupi Sino-Europe Sports për disa muaj, por përfundimi i shitjes është vonuar në mënyrë të përsëritur nga konsorciumi kinez që ka humbur afatet e pagesave.

Lexo po ashtu Berlusconi i zemëruar me investitorët kinezë

Duke folur për La Verità, ish-kryeministri italian përsëriti se ndërsa ai ende pret marrëveshje për të shkuar në fund, do të vazhdojë të mbetet në krye deri sa të nevojitet.

“Unë jam këtu, familja ime gjithashtu. Ne do të vazhdojmë me klubin për aq kohë sa të gjitha angazhimet financiare të jenë atje për të ringjallur klubin”, ka deklaruar fillimisht Berlusconi.

“Pala kineze e marrëveshjes ka qenë e prekur nga disa probleme të papritura, por ata kanë bërë depozita të konsiderueshme”, përcjell Telegrafi.

Lexo po ashtu Buffon sulmon klubet rivale: Investitorët e huaj, të këqij për Serie A

“Ne jemi të gatshëm të respektojmë angazhimet tona dhe vazhdojmë të besojmë se blerësit do të respektojnë angazhimet e tyre”.

“Nëse në fund operacioni nuk shkon mirë, ne do të vazhdojmë dhe do të punojmë për të ndërtuar një ekip të ri, ekip italian”, përfundoi presidenti legjendar i Milanit. /Telegrafi/