Benzema probleme me trajnerin Santo në Al Ittihad – tifozët e Man Utd e duan në “Old Trafford”

Karim Benzema thuhet se ka probleme në klubin saudit Al Ittihad, ku trajneri Nuno Espirito Santo, e ka njoftuar klubin pasi lojtari nuk përshtatet në taktikat e tij.

Kjo gjë ka bërë që tifozët e Man United të gëzohen, duke e parë sulmuesin Karim Benzema si ideal për klubin që ata e mbështesin.

Sipas gazetës saudite “Al-Sharq Al-Awsat”, trajneri i Al Itthad, Nuno Espirito Santo ka informuar hierarkinë e klubit se francezi nuk i përshtatet stilit të tij taktik.

Lexo po ashtu Tensione në Al Ittihad: Benzema ka bërë thirrje për "një zgjidhje" të situatës, trajneri Espiro Santo insiston se ai nuk po përshtatet

Santo nuk donte të nënshkruante me francezin në radhë të parë dhe gjithashtu refuzoi t’i jepte Benzemas shiritin e kapitenit, kur ai e kërkoi.

Fituesi i Topit të Artë nuk është i kënaqur me Santon dhe mund të hapë derën për një dalje shokuese përpara mbylljes së afatit kalimtar të verës në Evropë.

Tifozët e Manchester United besojnë  se ai mund të jetë perfekt për Djajtë e Kuq dhe e kanë mbushur rrjetin social ‘X’ me reagime.

Manchester United ka luajtur në ndeshjet e para pa një sulmues tipik, pasi i ardhuri së fundmi Rasmus Hojlund ka pësuar dëmtim. /Telegrafi/