Ben Affleck do të rikthehet si Batman në vazhdimin e “Aquaman”

Ben Affleck është konfirmuar zyrtarisht se do të kthehet si Batman në “Aquaman and The Lost Kingdom”.

Jason Momoa do të jetë po ashtu në rolin e tij si Arthur Curry, superheroi detar i njohur si ‘Aquaman’, në vazhdimin e ardhshëm.

Megjithatë, duket se ai u detyrua të zbulonte se nuk do të ishte i vetmi anëtar i “Justice League” që do të rikthehej në film.

View this post on Instagram

A post shared by Jason Momoa (@prideofgypsies)

“Ribashkohen Bruce dhe Arthur”, ka shkruar ai në një postim të shpërndarë në Instagram, duke vënë në pah më vonë se do të jenë bashkë në “Aquaman”.

Ky lajm vjen si befasi, pasi Affleck kishte thënë se kishte mbaruar së luajturi Batman dhe kishte hequr përgjithmonë pelerinën e tij.

Lexo po ashtu Të gjitha lajmet nga Ben Affleck

Dihej se ai do të ishte në filmin e ardhshëm “Flash”, data e publikimit të të cilit që atëherë është zhvendosur nga nëntori 2022 në 23 qershor 2023. Megjithatë, kjo supozohej të ishte paraqitja e tij e fundit si Caped Crusader në ekran.

Our first poster for #Aquaman: And the Lost Kingdom has arrived! pic.twitter.com/RteI2OS77Q

— NerdSoul Sundays (Spaces) (@NerdSoulSundays) November 19, 2021

Në vend të kësaj, duket se ai u bind të kthehej nga dikush, diku. Dhe nuk mund të ishte një bisedë e thjeshtë pas përvojës së tij në “Justice League”.

Jason Momoa luan si Aquaman së bashku me Amber Heard, Willem Dafoe, Patrick Wilson, Dolph Lundgren, Yahya Abdul-Mateen II, Temuera Morrison dhe Nicole Kidman në “Aquaman and the Lost Kingdom”.

Filmi me regji të James Wan nga një skenar i Jason Momoa dhe David Leslie Johnson-McGoldrick. /Telegrafi/