Bellamy: Man City do ta fitojë përsëri titullin në Ligën Premier

Ish-sulmuesi i njohur, Craig Bellamy beson se Manchester City do ta shkrijë epërsinë e Liverpoolit dhe në fund do ta fitojë titullin kampion në Ligën Premier.

Liverpooli momentalisht gjendet si lider i kampionatit me gjashtë pikë më shumë se Tottenhami në vend të dytë dhe shtatë më shumë se City në vendin e tretë, por Bellamy beson ende në fitimin e titullit nga Qytetarët.

“Unë nuk besoj se Liverpooli do të vazhdoj si i pamposhtur, ata do të humbasin një ose dy ndeshje, dhe personalisht mendoj se Man City do të fitojë ligën”, ka thënë fillimisht Bellamy për Sky Sports.

Lexo po ashtu Superkompjuteri parashikon kampionin, skuadrat që mbesin pa Ligën e Kampionëve dhe ekipet e reja të Championship

“Mendoj se Pep Guardiola do të fërkoj duart e tij duke thënë ‘loja filloj – vitin e kaluar, kemi fituar kampionatin në mënyrë të qetë, tani le të shohim atë që kemi’.

“Ata kanë një menaxher i cili është fitues serik dhe kanë shumë faktorë tjerë që mund të shohin përsëri Cityn kampion”.

“Me shtatë pikë për të rikuperuar, sidomos gjatë periudhës së Krishtlindjeve, ju mund të ktheheni prapë aty”.

Lexo po ashtu Liverpooli nuk duhet të entuziazmohet - gjashtë kolapset e mëdha pas vitit të ri në futbollin anglez!

“Mos shkruani se Manchester City është jashtë garës për titull”, përfundoi ish-sulmuesi i njohur.

Ndryshe, Bellamy në të kaluarën ka luajtur për të dy skuadrat, Liverpoolin dhe Man Cityn. /Telegrafi/