Bella Thorne dhe Ryan Eggold ndezin thashethemet për një lidhje të re dashurie

Bella Thorne dhe aktori i “New Amsterdam” Ryan Eggold kanë ndezur thashethemet për lidhje pasi u panë së bashku në New York, të dielën (3 korrik).

Sipas burimeve të Page Six, dyshja u shfaqën në hotel dhe restorant për një darkë të mrekullueshme duke festuar bashkëpunimin e aktores Rosario Dawson në Aqua x Studio 189 me “Bloomingdale”-s.

“Ata ishin jashtë së bashku duke bredhur për kokteje”, tha një burim.

Një organizator i ngjarjes konfirmoi se modelja e “OnlyFans” dhe Eggold, i cili është 13 vjet më i madhe se ajo, pritej të merrnin pjesë, por në fakt nuk arritën kurrë në darkën.

24-vjeçarja anuloi fejesën e saj me Benjamin Mascolo në qershor, pasi ishin së bashku për tre vjet.

Sa i përket aktorit, 37-vjeçar, ai më parë ishte i lidhur me yllin e “Twilight” Ashley Greene dhe prezantuesen e “Today” Show Jill Martin.

Ndërkohë, drejtuesi i “The Daily Show”, Trevor Noah, i cili ishte gjithashtu në listën e të ftuarve, nuk arriti të hynte në event sepse u shfaq në ditën e gabuar.

“Ngjarja ishte planifikuar fillimisht për të shtunën, por u ricaktua për shkak të shiut. Ai u shfaq për ngjarjen e përcaktuar fillimit dhe padyshim që humbi të dielën”, tha burimi.

Burimet e cilësuan mbrëmjen si “kaos të bukur” për shkak të ndryshimit të orarit në minutën e fundit.

Megjithatë, Dawson dukej rrezatues në disa pjesë nga marka e veshjeve luksoze.

CEO i “Bloomingdale”, Tony Spring ishte gjithashtu i emocionuar për eventin.

“Bloomingdale” priti ngjarjen për të festuar nisjen e një partneriteti të markës me Dawson dhe bashkëthemeluesen e saj të “Studio 189” Abrima Erwiah. /Telegrafi/