Bella Hadid u shfaq në humor festiv të shtunën, teksa vizitoi dyqanin e linjës së saj të parfumeve, “Orebella”, në New York.
Modelja 28-vjeçare, e njohur për paraqitjen e saj të shkurtë në “Yellowstone”, veshi një pulovër të kuq me kopsa dhe xhinse të drejta, të kombinuara me sandale të kuqe dhe një pallto të bardhë elegante.
Me flokët e saj të errët të ndara në mes dhe një grim natyral, Hadid përshëndeti fansat dhe pozoi për fotografi, duke treguar stilin e saj të rafinuar. Aksesuarët minimalë, si syzet ovale dhe vathët prej ari, plotësuan pamjen e saj, shkruan DailyMail.
“Orebella”, linja e parfumeve të saj, debutoi në maj të këtij viti dhe ofron katër aroma të krijuara nga vajra esencialë: Nightcap, Window2Soul, Salted Muse, dhe Blooming Fire.
Produktet janë vegane, pa alkool dhe të përshtatshme për lëkurë të ndjeshme, cilësi të cilat Hadid i ka vlerësuar shumë.
Në një intervistë, ajo rrëfeu se krijimi i “Orebella” ka qenë një formë terapie për të. “Aroma ishte një mënyrë për të krijuar një pushim pas punës dhe një lidhje me nënën time.
Fillova duke eksperimentuar me vajra esencialë në fermën tonë dhe zbulova pasionin tim për këtë fushë”, tha ajo.
Modelja, e cila është esëll që nga fundi i vitit 2022, ndau planet e saj për Vitin e Ri, duke theksuar rëndësinë e një qasjeje të shëndetshme.
“Le të përpiqemi të zgjohemi të freskët në mëngjesin e parë të vitit. Një fillim i lumtur dhe energjik për 2025 është çelësi”, sugjeroi ajo për fansat.
Hadid vazhdon të frymëzojë jo vetëm me stilin dhe karrierën, por edhe me mesazhin e saj për një jetë të shëndetshme dhe të ekuilibruar. /Telegrafi/
