Bekteshi për gazin bullgar: Kërcënimet janë të papranueshme, do të kërkojmë ndihmë nga BE

Ministri i Ekonomisë Kreshnik Bekteshi do të kërkojë kompensim nga Bullgaria dhe mbështetje shtesë nga Bashkimi Evropian që kur Bullgaria vendosi një taksë për gazin natyror që dërgohet përmes territorit të saj, përcjell Telegrafi Maqedoni.

Bekteshi thotë se kjo do të rriste çmimin e gazit që përdorin kompanitë në vend, por siguron se sa është ministër nuk do të lejojë shantazhe nga askush.

“Këto janë sigurisht vendime të tyre, të brendshme, por në të njëjtën kohë duhet pasur parasysh dhe duhet thënë qartë dhe hapur se nëse merren vendime të tilla duhet të merren edhe vendime të tjera, ku shtetet të kenë hapësirë ​​për t’u furnizuar nga burime të tjera, siç është rasti me Maqedoninë e Veriut.

Ne lëshuam sasi të caktuara vitin e kaluar, por ato nuk janë të mjaftueshme për kërkesat dhe nevojat e Maqedonisë së Veriut dhe kjo sigurisht që do të ndikonte në çmimin e gazit natyror që përdor ekonomia në përgjithësi. Unë kam reaguar tashmë në komunitetin energjetik dhe në Komisionin Evropian dhe pres që të lirohen sasitë e marra me qira nga Gazporom nga pala bullgare. Nëse vendosin një taksë për gazin natyror që vjen nga Gazprom, atëherë duhet të lirojnë edhe sasitë e dhëna me qira nga Gazprom në Maqedoninë e Veriut”, tha Bekteshi.

Ministri Bekteshi e barazoi këtë sjellje të Bullgarisë me shantazh, për të cilin thotë se nuk do të kalojë.

Për shkak të një sjellje të tillë të papranueshme, Bekteshi njoftoi se do të kërkon dëmshpërblim nga Bullgaria dhe mbështetje shtesë nga BE duke pasur parasysh se vendet e tjera nga rajoni kanë mundësi që të furnizohen me gaz nga burime të tjera./Telegrafi/