Bekteshi: Çmimi i vajit varet nga tregjet botërore, do të ketë ulje çmimi kur të hapet importi nga Ukraina

Ministri i Ekonomisë, Kreshnik Bekteshi, informoi sot se ulja e çmimit të vajit të gatimit do të ndodhë kur të hapen plotësisht korridoret e importit nga Ukraina.

Sipas Bekteshit, kjo varet nga tregjet botërore, si dhe nga çmimet e lulediellit dhe vajit të parafinuar, të cilat kryesisht importohen nga Ukraina dhe Bullgaria.

Ministri ritheksoi se tek qytetarët ekziston përshtypja e gabuar se Maqedonia furnizohet me materiale për prodhimin e vajit për gatim nga Serbia.

“Duhet të jemi solidarë. Në konsultim me prodhuesit vendas, mundësojmë eksportin e vajit ushqimor të rafinuar. Kemi sasinë e nevojshme për prodhim”, tha Bekteshi në emisionin “10 minuta” në TV21 për eksportin e vajit të lulediellit në Shqipëri.

“Me shkurtimin e shpenzimeve me ribalancin e buxhetit, Qeveria hap mundësinë për një paketë të re masash për qytetarët”, tha ministri i Ekonomisë Kreshnik Bekteshi.

Ai tha se me buxhetin plotësues do të ketë ulje të theksuar të shpenzimeve në raport me shpenzimet joproduktive dhe shpenzimet tjera të shfrytëzuesve buxhetorë.