Princi George e ndoqi finalen e djeshme të Wimbledonit me prindërit dhe motrën e tij Charlotte, dhe reagimi i tij pasi Jannik Sinner mundi Carlos Alcaraz bëri bujë në rrjetet sociale.
Konkretisht, duket se 12-vjeçari po bënte tifo për tenistin spanjoll Carlos Alcaraz, dhe humbja e tij kundër italianit Jannik Sinner ishte mjaft e vështirë për të.
Një foto e tij duke mbajtur gardhin e kutisë mbretërore me duar pas finales së Wimbledonit pushtoi rrjetet sociale dhe nuk vonoi shumë për t’u bërë frymëzim për ‘meme’.
"Princi George duhet të ketë vënë bast për Alcarazin", shkruan ata përkrah fotove të princit.
Ata bënë shaka se ai kishte energjinë e një trajneri futbolli të zhgënjyer i cili ishte gati t’u thoshte mediave: “Do të përpiqemi përsëri të mërkurën”.
“Ky fëmijë është 12 vjeç dhe duket sikur është 45 vjeç dhe po kalon një krizë të moshës së mesme”, shkruhej në një foto tjetër të tij.
Ndeshja u ndoq nga shumë njerëz të famshëm, përfshirë anëtarë të familjes mbretërore - Princesha Kate, e cila i dorëzoi trofeun, si dhe Princi William, George dhe Charlotte.
Yjet e Hollivudit Henry Cavill, Patrick Dempsey, Keira Knightley, Matthew McConaughey me gruan e tij Camila Alves, Daisy Edgar-Jones, Theo James, Jodie Comer, Andrew Garfield, Andrew Scott dhe Paule Mescal ishin gjithashtu të pranishëm në sallë. /Telegrafi/
