Bëhet viral postimi i tifozit në Twitter që kishte parashikuar Botërorin “Katar 2022” në vitin 2015

Në mesin e shumë parashikimeve për Kampionatin Botëror që u mbajt në Katar, ishte një tifoz që i kaloi të gjitha.

Derisa kishte shumë ekspertë, legjenda dhe tifozë që parashikua këtë turne, se kush do ta fitojë, e kush do të ishte befasia, kishte edhe prej atyre që bënë çmenduri.

Ishte viti 20 marsi i viti 2015, kur një tifoz kishte parashikuar se Lionel Messi do ta fitonte Kupën e Botës dhe do të bëhej lojtari më i madh i të gjitha kohërave.

Parashikimi i tij, menjëherë pas finales Argjentinë-Francës që përfundoi 4-2 në penallti (koha e rregullt dhe vazhdimet me rezultat 3-3), u rikthye për t’u bërë viral, duke vërtetuar edhe kohën kur është bërë postimi i tij.

“18 dhjetor, 2022. 34 vjeçari Leo Messi do ta fitojë Kupën e Botës dhe do të bëhet lojtari më i madh i të gjitha kohërave. Kthehuni prapë pas 7 vitesh”, kishte shkruar tifozi Jose Miguel Polanco.

Ylli 35-vjeçar kishte qenë shumë afër ta fitonte Kampionatin Botëror edhe në vitin 2014, por një gol i Mario Gotezes në vazhdimet e finales, ia mohoi një gjë të tillë shtatë herë fituesit të Topit të Artë.

Mirëpo, kësaj here, Messi ia doli ta fitonte trofeun dhe për ta vendosur vetën si lojtari më i mirë që ka parë historia e futbollit deri më tani. /Telegrafi/

View this post on Instagram

A post shared by Telegrafi Sport (@telegrafisport)