Befasi: Dua Lipa vjen në Tiranë, mirëpritet nga kryebashkiaku Erion Veliaj

Këngëtarja shqiptare me famë botërore, Dua Lipa, të premten është kthyer në kryeqytetin shqiptar.

Ajo së bashku me familjen e saj kanë vizituar Tiranën, ku janë mirëpritur nga i pari i qytetit, kryebashkiaku Erion Veliaj.

Kjo vizitë e saj vjen e befasishme dhe pa asnjë paralajmërim, ngase këngëtarja nuk e ka bërë të ditur se ka pasur në planet e afërta që ta vizitojë Shqipërinë.

Në shenjë mirënjohje për sukseset, asaj i është dhuruar një targë shqiptare nën emrin “DUA 100 Tr’ e shoqëruar bashkë me flamurin kombëtar.

Ndërkohë, po i njëjta i ka dhuruar kryetarit Veliaj albumin e saj "Future Nostalgia" me autograf.

Dua në këtë vizitë të befasishme në Tiranë është shoqëruar edhe nga i dashuri i saj, Anwar Hadid. /Telegrafi/