"Bayernit i ra shorti më i vështirë në LK"

Mesfushori i Bayern Munichut, Arturo Vidal, ka thënë se Atletico Madridi është skuadra më e vështirë që ka mundur t’i binte Bayernit në shortin për gjysmëfinale të Ligës së Kampionëve.

Bavarezët siguruan gjysmëfinalen për herë të pestë rresht pasi eliminoi Benfican në çerekfinale, ndërsa skuadra e Diego Simeones mposhti Barcelonën.

“Atletico është kundërshtari më i fortë me të cilin mund të ishim përballur në gjysmëfinale. I pamë kundër Barcelonës. Ata kanë një ekip të mirë dhe fizikisht të fortë. Do të jetë shumë ndeshje e barabartë, por shpresojmë të arrijmë finalen”, ka thënë Vidal për “Marca”, transmeton koha.net.

Në gjysmëfinalen tjetër të Ligës së Kampionëve do të luajnë Manchester City me Real Madridin.