Bayern Munichu fiton thellë në udhëtim te Freiburgu

Bayern Munich ka fituar me rezultat 4-1 në udhëtim te Freiburgu në ndeshjen e vlefshme për javën e 28-të në Bundesliga.

Ekipi i Julen Nagelsmann ka vazhduar me sukses rrugën drejt titullin në Bundesliga, pasi ka marrë fitoren e radhës në ndeshjen ndaj Freiburgut.

Pjesa e parë e ndeshjes u karakterizua me lojë më të mirë dhe dominim nga Bayerni, por edhe përkundër rasteve rrjetet mbeten të paprekura.

No breakthrough yet ⚖️

🔴⚪ #SCFFCB 0-0 pic.twitter.com/enwaVWLwVt

— FC Bayern Munich (@FCBayernEN) April 2, 2022

Në pjesën e dytë, u zhvillua lojë më e mirë dhe më e hapur nga të dyja skuadrat, por Bayerni ishte më konkret duke shënuar katër herë, për dallim nga vendasit që shënuan vetëm një.

Goli i parë i ndeshjes erdhi në minutën e 58-të me anë të Leon Goreztka, i cili shënoi për 0-1, ndërsa vendasit barazuar pesë minuta më vonë me Nils Petersen.

Bavarezët arritën të kthehen në lojë duke shënuar me anë të Serge Gnabryt (73’) për 1-2, Kingsley Coman (82’), ndërsa Marcel Sabitzer (90+) vulosi rezultatin përfundimtar 1-4.

4️⃣ goals, 4️⃣ different scorers 👌

🔴⚪ #SCFFCB 1-4 pic.twitter.com/BaBw92k6CF

— FC Bayern Munich (@FCBayernEN) April 2, 2022

Pas kësaj fitore, Bayerni e sheh veten në pozitën e parë me 66 pikë, ndërsa Freiburgu renditet në vendin e pestë me 45 pikë. /Telegrafi/