Bayern Munichu po tenton të bind Chelsea që të ndajë rrugët me Callum Hudson-Odoin në këtë afat kalimtar në formë huazimi me të drejtë blerje në vitin 2021.
Goal.com konfirmon se bisedimet mes të dyja klubeve janë duke u zhvilluar dhe anësori 19-vjeçar ishte afër t’u bashkohej Bavarezëve në verën e kaluar.
Por, Chelsea e bllokoi largimin e tij, duke i ofruar kontratë katërvjeçare me një pagë prej 150 mijë funtesh në javë.
Skuadra gjermane sërish nuk ka hequr dorë dhe po tenton të transferojë atë në këtë afat në formë huazimi me të drejtë blerje.
Chelsea mund të lejojë largimin e Hudson-Odoit, por vetëm nëse arrijnë të marrin ndonjë zëvendësues të tij.
Frank Lampard nuk është se po e përdor edhe shumë talentin anglez, andaj largimi i këtij të fundit mund të ndodhë në këtë afat. /Telegrafi/
