Batatina: Luajtëm si skuadrat gjermane, Zhdrella duhet të ftohet nga Kosova

Llapi ka arritur një fitore të madhe në shtëpi ndaj Vllaznisë së Pozhoranit me rezultat të thellë 4-1.

Skuadra e Tahir Batatinës ishte duke pësuar humbje 0-1 deri në minutën e 70-të, por në 20 minutat e fundit riktheu gjithçka.

Trajneri i vendasve, Tahir Batatina ka deklaruar se skuadra e tij luajti si ekipet gjermane duke rikthyer rezultatin.

“Skuadrat gjermane gjithmonë e nisin kështu lojën dhe pastaj shpërthejnë deri në minutën e 90-të. E kisha të vështirë ti motivoja lojtarët e mi, pasi kemi luajtur me skuadrën nga fundi i tabelës”.

“Filluam ndeshjen me neglizhencë si pasojë e këtij faktorit, por më pas ndryshuam edhe në skemën e lojës dhe ia dolëm të përmbysnim rezultatin. Shumë ndeshje mund ti fitojmë pa një lojtarë më pak në fushën e lojës, pasi kemi ndër skuadrat më të përgatitura në Superligë”, u shpreh Batatina.

Krejt në fund ai ka bërë thirrje publike edhe për Muharrem Sahitin e Genc Hoxhën që Mentor Zhdrella të ftohet në miqësoren e nëntorit.

“Kur ke në skuadër një futbollistë si Mentor Zhdrella gjtihçka bëhet edhe më e lehtë. Mendoj se ai duhet të jetë i ftuar në miqësoren e Kosovës në nëntor”, deklaroi Tahir Batatina. /Telegrafi/