Llapi ka pësuar humbje 1-0 në shtëpi nga Dukagjini në kuadër të Albi Mall Superligën e Kosovës.
Kenan Haxhihamza ishte heroi i skuadrës nga Klina, pasi priti dy penallti, për të mbajtur epërsinë e ekipit të tij.
Pas përfundimit të ndeshjes, trajneri Tahir Batatina e ka vlerësuar këtë të mërkure si ditën më të keqe për skuadrën nga Podujeva.
Sipas tij, ata kishin gjashtë raste të qind për qindta, por që nuk ia dolën t’i konkretizonin rastet.
Batatina arsyetoi lojtarët e tij që humbën dy penallti, duke thënë se ato janë shansa 50/50, mirëpo që duhet të realizoheshin.
Ai më tej vazhdoi duke thënë se niveli i skuadrave në Superligë është i balancuar dhe secila skuadër mund ta mposhtë tjetrën, pasi edhe niveli i lojtarëve është i përafërt. /Telegrafi/
