Reperi nga Ferizaj, 2Ton ditë më parë paralajmëroj se është në përgatitje të një projekti të ri muzikor.
Përmes një video të shkurtër, reperi njoftoi se kënga e re do të jetë në bashkëpunim me artistin Nego.
Ndërsa, sot (e enjte), ishte Nego ai që ka zbuluar se projekti i dyshes do të publikohet të premten (21 tetor).
“Monotonia, nesër, ora 18:00”, ka shkruar ai sipër postimit.
Ndërkohë, kujtojmë që 2Ton mbetet aktiv si me projekte të reja gjithashtu edhe me mbrëmje muzikore.
Kënga e fundit e Arton Avdylit (emri i vërtetë) mban titullin “Adrenalina” të cilën e solli në muajin shtator dhe deri më tani ka grumbulluar afro tre milionë klikime në kanalin zyrtar në Youtube. /Telegrafi/
