Barcelonës i duhen para – lojtarët që mund të shiten në janar pasi të zgjidhet kryesia e re e klubit

Barcelonës i është dhënë një goditje e madhe financiare pas shpërthimit të COVID-19 dhe aktualisht kanë nevojë që të mbledhin të holla, ku pritet të vijnë nga shitja e disa të rinjve.

Kryesia e klubit që është aktualisht në krye deri në zgjedhje, nuk mund të nënshkruajë ose shes ndonjë lojtar pa lejen e bordit të ri.

Sidoqoftë, ajo që drejtorët aktualë mund të bënin do të ishte të negocionin largimet e disa lojtarëve dhe t’i japin bordit të ri mundësinë që të nënshkruajnë pastaj disa marrëveshje që do t’i jepnin klubit një injeksion financiar.

Këta janë pesë lojtarët që Barcelona mund të shesë në janar për të mbledhur para.

Ousmane Dembele

Transfermarkt e vlerëson francezin me 50 milionë euro dhe do të ishte një injeksion i mirëpritur parash nëse Barcelona gjen klub që und ta blejë.

Samuel Umtiti

Sipas Transfermarkt, vlera e tij aktuale është vetëm 12 milionë euro. Por, duke marrë parasysh që Barcelona lëshoi Luis Suarez në verën e kaluar falas, çdo fitim për të do ë ishte i mirëpritur nga bordi i ri.

Riqui Puig

I vlerësuar në 20 milionë euro sipas Transfermarkt, Barcelona mund të zgjedhë të huazojë Puig në janar, por shitja e tij me një klauzolë të ri-blerjes nuk duhet të përjashtohet.

Junior Firpo

Me vlerën e tij aktuale të tregut të vendosur në 14 milionë euro, Barcelona mund të përpiqet të marr para për mbrojtësin e majtë spanjoll sa më shpejt këtë janar.

Carles Alena

Produkti La Masia e ka të vendosur vlerën e tij në 18 milion euro, megjithëse duket se do të ishte e pamundur të merren këto para në situatën aktuale.

/Telegrafi/