Barcelona rikuperon dy lojtarë të rëndësishëm, gati rikthimi në ndeshjen ndaj Las Palmasit

Barcelona është gati të mirëpres në skuadër dy yje të ekipit, pasi tashmë janë rikthyer në stërvitje të plota me grupin pas lëndimeve që i lanë jashtë fushave për disa javë.

Pas ndeshjeve të njëpasnjëshme pa fitore kundër Real Sociedad dhe Celta Vigo, Barcelona fitoi në fillim të kësaj jave kundër Brestit në Ligën e Kampionëve.

Tani, detyra do të jetë rikthimi në rrugën e duhur në La Liga, pasi ka humbur pesë pikë në garën për titull në dy ndeshjet e fundit.

Të shtunën, skuadra e Hansi Flick do të presë Las Palmas në Estadi Olimpic, e cila do të jetë ndeshja e tyre e tretë në një seri në shtatë ndeshje në tre javë.

Lamine Yamal wishes you a happy Thursday. 👏 pic.twitter.com/FxTYWY12uy

— FC Barcelona (@FCBarcelona) November 28, 2024

Për shkak të kësaj, do të jetë e nevojshme që të bëhen ndryshime nga ndeshja e Brestit dhe për fat të mirë, Barcelona do të ketë më shumë mundësi për të zgjedhur.

Sipas gazetës Sport, Hansi Flick do të jetë në gjendje të llogarisë në Lamine Yamal dhe Ferran Torres, me të dy lojtarët që janë rikthyer në stërvitje të plotë pas dëmtimeve.

🚨🔵🔴 Lamine Yamal returns to regular training with Barcelona group, same for Ferran Torres.

Ronald Araújo did only part of the training with the group. pic.twitter.com/d4oJ8H7hUn

— Fabrizio Romano (@FabrizioRomano) November 28, 2024

Me përjashtim të çdo pengese, ata do të marrin dritën jeshile mjekësore para ndeshjes të së shtunës, duke marrë edhe minuta.

Barcelona po numëron ditët derisa edhe Ansu Fati të kthehet nga lëndimi. Ai pësoi një problem muskulor para pushimit ndërkombëtar të këtij muaji dhe pritet një rikthim në mes të dhjetorit. /Telegrafi/