Barcelona po konsideron shitjen e De Jongut – mësohet çmimi që i kanë vënë holandezit

Barcelona do ta konsiderojë shitjen e Frenkie De Jong këtë verë, por Manchester United nuk po e konsiderojnë mundësinë e një ofertë për momentin.

Mesfushori holandez duket se është e vështirë se do të largohet nga klubi këtë verë për shkak të lëndimit, por United ishin shumë të interesuar për shërbimet e tij.

Sidoqoftë, më shumë se sa gjendja e tij fizike, problem mund të jetë çmimi i kartonit të tij. Matteo Moretto ka shpjeguar se Unitedi është fokusuar tek transferimi i mesfushorit të PSG-së, Manuel Ugarte, por kostoja e transferimit të De Jong mbetet ende e lartë momentalisht.

Sipas Morettos, Barcelona mund ta lejojë largimin e De Jongut për shumën e 60 milionë eurove, sidoqoftë 60 milionë euro duhet të paguhen të gjitha ndërsa një pjesë tjetër në formë bonusesh.

Disa burime kanë raportuar se arsyeja pse blaugranasit po konsiderojnë largimin e tij është për shkak të pagës së tij të lartë.

Raportimet më herët gjatë kësaj jave kishin bërë me dije se United do të ishte i gatshëm që të bënte biznes për 30-40 milionë euro, që është shumë larg kërkesave të Barcelonës.

Si do që të jetë, Barcelona do të jetë e etur që të bëjë përforcime tjera pas transferimit të Dani Olmos, teksa kujtojmë që Nico Williams vazhdon të mbetet një ndër prioritet kryesore të kësaj vere./Telegrafi/