Barcelona ndalet me barazim nga Las Palmasi (Video)

Barcelona ka barazuar në udhëtim te Las Palmasi me rezultat 1-1 në ndeshjen e vlefshme për javën e 26-të të La Ligas.

Pjesa e parë e takimit i takoi Barcelonës, të cilët rrezikuan fillimisht me Luis Suarez (8′) dhe Lionel Messi (11′), por pa arritur ta gjejnë cakun.

Megjithatë, goli nuk vonoi dhe ai erdhi në minutën e 21-të të ndeshjes, ku Messi shënoi për 1-0 pas një supergoli nga gjuajta e lirë dhe dërgoi skuadrën në pushim me epërsi.

Në pjesën e dytë, Las Palmas arriti të kthehet në lojë duke shënuar shpejt golin e barazimit, duke befasuar katalunasit.

Ishte sulmuesi Jonathan Calleri, i cili shënoi në minutën e 49-të nga pika e bardhë, duke barazuar rezultatin në 1-1.

Pas këtij goli, Ernesto Valverde ndryshoi në formacion duke inkuadruar lojtar sulmues në tentim të goli të fitore, por edhe përkundër shumë rasteve nuk arritën të shënojnë dhe ndeshja përfundoi me barazim 1-1.

Pas këtij barazimi, Barça gjendet ende në vendin e parë të tabelë, por me vetëm pesë pikë më shumë se vendi i dytë, ndërsa Las Palmas në vendin e 18-të me 20 pikë.

Në ndeshjen e radhës, katalunasit e presin Atletico Madridit në derbin e javës, ndërsa Las Palmas udhëton te Celta Vigo. /Telegrafi/

https://www.dailymotion.com/video/x6fhckr

https://www.youtube.com/watch?v=DGGR8aWOKhY&feature=player_embedded