Barcelona fiton me vështirësi në udhëtim te Valladolidi

Barcelona ka arritur të marrë një fitore të vështirë në udhëtim te Valladolidi me rezultat minimal 1-0 në ndeshjen e vlefshme për javën e dytë në La Liga.  

Skuadra e Ernesto Valverdes ka shënuar edhe fitoren e dytë në kampionatin spanjoll, pikërisht në udhëtimin e tyre te Valladolidi.

Pjesa e parë e ndeshjes i takoi në tërësi Barcelonës, të cilët rrezikuan shumë herë, por goli iu mohua nga portieri Jordi Masip.

Rastet më të mira në këtë pjesë ishin ai i Luis Suarez (33′), Philippe Coutinho (35′) dhe Lionel Messi (43′), por që asnjëri nuk arriti t’i ndryshojë shifrat.

Në pjesën e dytë, katalunasit vazhduan me lojë të mirë dhe raste, por edhe vendasit patën rastet e veta për gol.

Goli i parë i ndeshjes erdhi në minutën e 57-të me anë të Ousmane Dembele, i cili shënoi për 0-1 pas asistimit të Sergi Robertos.

Valladolidi pati rast të mirë për të barazuar rezultatin në minutën e 77-të me anë të Kekos, por Marc Andre Ter-Stegen ia mohoi golin.

Deri në fund të ndeshjes edhe përkundër disa rasteve tjera dhe një goli të shënuar, por të anuluar nga VAR-i, rezultati mbeti i pandryshuar dhe Barcelona mori tri pikët e radhës me një fitore minimale 1-0.

⏰ Final whistle in the José Zorrilla!
⚽ Valladolid 0-1 FC Barcelona
👟 O. Dembélé
🔵🔴 #ValladolidBarça pic.twitter.com/nx8ey7oc9x

— FC Barcelona (@FCBarcelona) August 25, 2018

Pas kësaj fitore, Barcelona e sheh veten në pozitën e parë me gjashtë pikë, ndërsa Valladolidi në vendin e 13-të me një pikë.

Në ndeshjen e radhës, katalunasit e presin Huescan në Camp Nou, teksa Valladolidi udhëton drejt Getafes. /Telegrafi/

https://twitter.com/Cataloniacs/status/1033467476678533125