Barcelona arrin marrëveshje për transferimin e Lenglet

Barcelona thuhet se ka arritur një marrëveshje për të nënshkruar me mbrojtësin qendror të Sevillas, Clement Lenglet, pasi do ta aktivizojë klauzolën e largimit prej 35 milionë euro.

Mbrojtësi qendror 22-vjeçar ka bërë përshtypje të mira me fanellën e Los Rojiblancos në një sezon të turbullt për klubin.

Paraqitjet e tij të mira i kanë ndihmuar ekipit andaluzian të arrijnë në finalen e Copa del Rey dhe çerekfinale të Ligës së Kampionëve.

Lexo po ashtu Barcelona ka marrëveshje personale me Lenglet

Lenglet ishte mbërritja e parafundit në klubin Andaluzian nën drejtorin sportiv Monchi, duke nënshkruar nga Nancy në janar të vitit 2017.

Marrëveshja e tij e tanishme në klub skadon në qershor 2021, por klauzola e tanishme e lirimit të tij qëndron në shifrën e 35 milionë eurove.

Ky çmim shihet si i përballueshëm për shumë klube kryesore evropiane që mund të jenë të interesuar në shërbimet e tij.

Lexo po ashtu Të gjitha lajmet për Lenglet

Megjithatë, sipas mediumit Cadena Cope, mbrojtësi ka rënë dakord të bashkohet me Barcelonën dhe do të nënshkruajë një kontratë pesëvjeçare, duke u bërë nënshkrimi i tyre i parë i verës.

Ka pasur gjithashtu spekulime për të ardhmen e Samuel Umtiti në Camp Nou, megjithëse është e paqartë nëse interesi në Lenglet është i lidhur me situatën e bashkëkombasit të tij. /Telegrafi/