Bale apo Benzema? Kjo është dilema e vetme e Zidanes për finalen e Ligës së Kampionëve ndaj Liverpoolit

Trajneri i Real Madridit ka vetëm një dilemë në lidhje me formacionin startues në finalen e Ligës së Kampionëve ndaj Liverpoolit.

Real Madridi dhe Liverpooli do të luajnë mes vete në finalen e madhe të Ligës së Kampionëve në ndeshjen që do të zhvillohet nesër (e shtunë) me fillim nga ora 20:45 dhe do të luhet në Olimpik Stadium të Kievit.

Sikurse Zidane, ashtu edhe trajneri i Liverpoolit, Jurgen Klopp kanë në dispozicion gjithë skuadrën dhe tani dilema është se kush do të luaj nga fillimi.

Lexo po ashtu Drejt finales Real Madrid – Liverpool: Nëntë futbollistët që kanë luajtur me të dy skuadrat

Trajneri francez duhet të vendosë midis Gareth Bale dhe Karim Benzema për vendin e fundit në formacionin titullar.

Ai mund të zgjedhë yllin nga Uellsi dhe të gëzojë përfitimet e një lojtari që luan gjerë me përfundim të shkëlqyeshëm ose mund të zgjedhë francezin dhe t’i sigurojë Ronaldos një partner për t’i siguruar asistime dhe lidhje të lojës.

Të dy lojtarët do të ndjehen se meritojnë të startojnë, pasi  të dy janë në formë të mirë, me Bale që ka pesë gola në katër ndeshjet e fundit, ndërsa Benzema ka katër gola në pesë të fundit, por vetëm njëri ka të ngjarë të fillojë kundër Liverpoolit.

Lexo po ashtu Zidane: Duam ta fitojmë Ligën e Kampionëve, është trofeu më i mirë  

Formacioni i Zinedine Zidane ndaj Liverpoolit: Keylor Navas, Dani Carvajal, Raphael Varane, Sergio Ramos, Marcelo, Casemiro, Toni Kroos, Luka Modric, Isco, Cristiano Ronaldo dhe Gareth Bale ose Karim Benzema.

Statistikat e Bale në sezonin 2017/18

38 ndeshje të luajtura

2,332 minuta të luajtur

19 gola

6 asistime

43 goditje në gol

Statistikat e Benzemas në sezonin 2017/18

46 ndeshje të luajtura

3,149 minuta të luajtur

11 gola

11 asistime

36 goditje në gol

/Telegrafi/