Bad Bunny mahnit fansat me fizikun e tij në fushatën e re të Calvin Klein

Reperi dhe këngëtari portorikan, Bad Bunny, ka shkaktuar reagime të forta me paraqitjen e tij në fushatën më të fundit të Calvin Klein.

Në setin fotografik të realizuar nga Mario Sorrenti, artisti 31-vjeçar shfaqet pa këmishë, duke vënë në pah fizikun e tij të tonifikuar dhe tatuazhet e shumta.

Bad Bunny, emri i vërtetë i të cilit është Benito Antonio Martinez Ocasio, e ndau setin në Instagram me një përshkrim të thjeshtë: “Calvin Klein”, çka mjaftoi për të ndezur rrjetet sociale me reagime të shumta.

Një fanse shkroi me humor: “Vërtet? Pikërisht tani që jam duke ovuluar?”, ndërsa një tjetër komentoi: “Nëse më shihni duke u manipuluar nga një burrë që duket kështu, mos më shpëtoni. Jam pikërisht aty ku dua të jem”.

Calvin Klein gjithashtu ndau postime të shumta, përfshirë një video ku këngëtari flirton me kamerën, kërcen dhe pozon nga kënde të ndryshme, ndërsa marka prezanton koleksionin e ri “Icon Cotton Stretch” me rrip beli inovativ dhe dizajn pa qepje.

Kjo fushatë vjen vetëm një muaj pasi Bad Bunny u bë objekt diskutimi në rrjet për reagimin e tij ndaj ish-partneres Kendall Jenner, e cila parakaloi pranë tij gjatë një shfaqjeje të Calvin Klein në New York Fashion Week.

Ndërsa ai u përpoq të ruante indiferencën, fansat vunë re që sytë e tij e ndoqën Kendall-in nën syzet e tij të errëta, duke nxitur spekulime mbi ndjenjat e tij të vërteta.

Pavarësisht thashethemeve, Bad Bunny vazhdon të jetë një nga figurat më të diskutueshme dhe të suksesshme të muzikës dhe modës, duke tërhequr vëmendje të madhe me çdo paraqitje të tij. /Telegrafi/