Avokatja e Mbappes del me reagim rreth akuzave ndaj yllit të Real Madridit

Në një deklaratë zyrtare të lëshuar sot, avokatja e Kylian Mbappes, Marie-Alix Canu-Bernard, adresoi raportimet e fundit mediale rreth yllit të futbollit francez.

Canu-Bernard theksoi se klienti i saj nuk është kurrë në situata që mund ta ekspozojnë atë ndaj rrezikut dhe përjashtoi në mënyrë kategorike çdo mundësi të “sjelljeve të dënueshme”.

“Ai nuk është kurrë i vetëm. Ai nuk është kurrë i ekspozuar në një situatë ku mund të rrezikohet, kështu që kjo vetë përjashton mundësinë që ai të angazhohet në sjellje të dënueshme”, deklaroi.

Canu-Bernard e përshkroi Mbappen si “shumë të qetë”, por gjithashtu të shokuar nga zhurma mediale.

“Ai nuk ka asnjë ide se për çfarë akuzohet,” shtoi ajo, duke theksuar konfuzionin e lojtarit në mes të spekulimeve në vazhdim.

Avokatja gjithashtu adresoi mundësinë e thirrjes së autoriteteve suedeze për Mbappe për të dëshmuar, duke thënë: “Sigurisht që ai do të paraqitet”.

Ajo e ripërsëriti qetësinë e tij, duke theksuar se ai vazhdoi të stërvitej si zakonisht, i bindur për pafajësinë e tij: “Ai e di se nuk ka asgjë për të fajësuar”.

Ndërsa situata zhvillohet, tifozët dhe analistët do të ndjekin me vëmendje për çdo zhvillim të mëtejshëm në lidhje me superyllin e Real Madridit. /Telegrafi/