Autoritetet ruse nuk po ia dorëzojnë familjarëve trupin e pajetë të Navalnyt – ceremonia e varrimit mund të shtyhet për disa orë

Trupi i Alexei Navalnyt nuk është lëshuar për ceremoninë lamtumirëse, ka njoftuar zëdhënësja e tij duke paralajmëruar për vonesa të mundshme.

Në një mesazh të shkruar në platformën X, Kira Yarmysh tha se “të afërmit kanë qenë në morg në orën 10 të mëngjesit, kur edhe supozohej t’u jepej trupi i Navalnyt. Trupi ende nuk është liruar nga morgu”.

Lexo po ashtu Varrimi i Alexei Navalnyt, kompanitë mortore po refuzojnë bartjen e trupit të pajetë pasi kanë marrë kërcënime

Sipas zëdhënëses së kritikut më të madh të presidentit rus, Vladimir Putin, orari i ceremonisë së varrimit “nuk ka ndryshuar ende, por mund të ketë vonesa”, shkruan skynews.

Родственники приехали к моргу в 10 утра, когда им должны были выдать тело Алексея.
Тело не выдали до сих пор.
График пока не сдвигается, но, возможно, будут задержки.

— Кира Ярмыш (@Kira_Yarmysh) March 1, 2024

Ndryshe, raportohet se shumë forca policore janë dërguar në vendin ku do të fillojë ceremonia e varrimit të opozitarit rus. Kjo pasi autoritetet ruse kanë kërkuar që ceremonia e varrimit të 47-vjeçarit të kryhet në mënyrë private dhe pa ndonjë tubim të madh.

Lexo po ashtu Rusët nuk i frikësohen kërcënimeve të Putinit, marrin pjesë në ceremoninë e varrimit të Navalnyt - Kremlini dërgon forca të shumta policore në Kishë

Megjithatë, shumë njerëz kanë filluar të mblidhen për t’i dhënë lamtumirën e fundit.

Ndryshe, kompanitë mortore është raportuar se kanë refuzuar të bartin trupin e pajetë shkaku i kërcënimeve të shumta. /Telegrafi/