Sulmuesi i Përfaqësueses së Kosovës, Atdhe Nuhiu ka gjetur golin në pasditen e së dielës në Championship.
West Bromwich Albion dhe Sheffield Wednesday kanë barazuar 1-1 në ndeshjen e vlefshme për javën e 25-të në Championship.
Shenj në këtë ndeshje ka lënë qendërsulmuesi i Kosovës, Atdhe Nuhiu, i cili ka shënuar për mysafirët.
Goli i Nuhiut erdhi në minutën e pestë të ndeshjes dhe ishte i epërsisë së mysafirëve 0-1.
Ky gol i sulmuesit shtatlartë të Kosovës erdhi pas asistimit të Morgan Fox.
Me këtë gol, Nuhiu arrin në kuotën e dy golave në këtë sezon të Championshpit anglez.
Në anën tjetër, skuadra e tij gjendet në pozitën e 16-të me 31 pikë. /Telegrafi/
