Atalanta me rikthim sensacional arrin barazim ndaj Romës

Atalanta ka bërë një nga rikthimet më të mëdha këtë sezon në Serie A, pasi nga 0-3 ka barazuar në 3-3 ndaj Romës në ndeshjen e vlefshme për javën e 21-të.

Pjesa e parë e ndeshjes i takoi në tërësi mysafirëve të Romës, të cilët shënuan edhe tri gola, kundrejt një të vendasve.

Goli i parë i ndeshjes erdhi pas vetëm dy minutave lojë dhe ishte Edin Dzeko, i cili shënoi për 0-1 pas asistimit të Nicolo Zanilos.

Në minutën e 33-të ishte përsëri Dzeko, i cili gjeti golin e 0-2, ndërsa në minutën e 40-të Stephan El Shaarawy ngriti epërsinë në 0-3.

Pas këtij goli, Atalanta u kthye në lojë duke arritur të ngushtojë epërsinë në 1-3 në minutën e 44-të me anë të Timothy Castagne.

Në pjesën e dytë, Atalanta ishte ekipi i vetëm që luajti dhe arriti të kthehet në lojë dhe të barazojë rezultatin.

Në minutën e 59-të ishte mbrojtësi Raphael Toloi, i cili me kokë shënoi për 2-, ndërsa Duvan Zapata, i cili humbi penalltinë në minutën e 70-të arriti ta përmirësoj gabimin një minutë më vonë duke barazuar rezultat në 3-3.

Pas këtij goli, pati edhe disa raste tjera nga vendasit, por pa arritur të bëjnë rikthimin e çmendur dhe ndeshja përfundoi me rezultat të barabartë 3-3.

Pas këtij barazimi, Atalanta gjendet në pozitën e shtatë me 32 pikë, ndërsa Roma e pesta me 34 pikë.

Në ndeshjen e radhës, Roma e pret në shtëpi Milanin, ndërsa Atalanta udhëton te Cagliari. /Telegrafi/