ASUS me linjë të re të tabletëve

Në panairin vjetor të teknologjisë – Computex, i cili mbahet në Tajvan, ASUS si lojtar i rëndësishëm lokal do të prezantojë modelet e reja të tabletëve Android, midis produkteve të tjera si monitorët dhe ruterët.

Ndoshta lajmi më i madh është se ASUS ka bërë një kërcim të madh në procesorin 64-bit, të cilin e ka vendosur në të gjitha modelet e reja, duke përdorur Atom Z3745 Intel në linjën e tabletëve MemoPad dhe Transformer Pad, dhe Z3560 Atom në serinë Fonepad.

Android 4.4 Kitkat është sistemi operativ i zgjedhur i cili shkon në këto modele të tabletëve.

Modelet e reja të linjës MeMO Pad vijnë në versionin me ekranin prej 7” (ME176C) apo 8” (ME181C dhe ME581CL), dhe të dyja versionet bazohen në teknologjinë IPS.

Rezolucioni është 1280 x 800 piksel ME176C, ndërsa variantet e ME181C dhe ME581CL sjellin 1920 x 1200, me kamerën e pasme me 5MP dhe atë të përparmen me 2MP.

ME581CL vjen në ngjyra të ndryshme, duke përfshirë edhe atë të kaltërt, rozë, apo të bardhë, Wi-Fi 802.11ac, 4G LTE, NFC, hollësi 7.45 mm dhe peshë prej 299 gram. /Telegrafi/