Arteta zbulon arsyet e transferimit të Trossard dhe Kiwior

Trajneri i Arsenalit, Mikel Arteta ka folur për nënshkrimet e afatit kalimtar të janarit, Leandro Trossard dhe Jakub Kiwior.

Trossard erdhi para disa ditësh në Emirates dhe debutoi duke ndihmuar Topçinjtë të mposhtin Manchester United në Ligën Premier të dielën.

Belgu është nënshkruar si një opsion i thellësisë së skuadrës nga Arteta këtë dimër, ndërsa për transferimin e tij ka folur vet trajneri spanjoll.

Lexo po ashtu Zyrtare: Leandro Trossard transferohet te Arsenali

“Kjo është ajo që më pëlqen tek ai. Unë shoh një lojtar që është i gatshëm t’i bëjë gjërat të ndodhin dhe që është me të vërtetë i kompozuar, veçanërisht në fazën e tretë të fushës”, ka thënë fillimisht Arteta.

“Është diçka që na duhej në skuadër dhe menjëherë ai pati një ndikim të bukur në skuadër për të na ndihmuar për ta fituar atë”.

Më pas ai foli fjale edhe për nënshkrimin tjetër të ri Jakub Kiwior.

Lexo po ashtu Arsenali zyrtarizon Jakub Kiwiorin nga Spezia

“Ai na jep më shumë mbulesë. Kemi qenë me tre qendërmbrojtës, që është shumë pak. Kemi qenë shumë me fat me lëndime dhe na duhej të rekrutonim”.

“Ne e kemi bërë. Jakub mund të luajë në role të ndryshme dhe është një lojtar i gjithanshëm dhe do të forcojë skuadrën. Nëse ka ndonjë gjë tjetër në dispozicion që mund të na bëjë më mirë, ne do ta shikojmë atë”, përfundoi Arteta. /Telegrafi/