Arsenali ka fituar në shtëpi ndaj Southamptonit me rezultat të ngushtë 3-2 në ndeshjen e vlefshme për javën e 33-të të Ligës Premier.
Pjesa e parë e takimit foli në të mirë të vendasve, të cilët shënuan dy gola, kundrejt një tjetrit të mysafirëve.
Të parët që kaluan në epërsi ishin Southamptoni, ku pas një harkimi në zonë të Cedric Soares ishte sulmuesi Shane Long (17'), i cili shënoi nga afërsia për 0-1.
Long shënoi pas gabimit të Mustafit (Getty Images)
Arsenali arriti të kthehet shpejt në lojë, ku Pierre-Emerick Aubameyang (29') shënoi për të barazuar 1-1, ndërsa Danny Welbeck (38') shënoi për 2-1 dhe dërgoi skuadrën e tij në pushim me epërsi.
Aubameyang vazhdon me formë të mirë dhe gola (Getty Images)
Në pjesën e dytë u zhvillua lojë më e barabartë me të dyja skuadrat që arritën të shënojnë nga një lojë.
Përsëri ishin të parët që shënuan në minutën e 74-të me anë të Charlie Austin për 2-2, por Welbeck (81') u përkujdes për t'ia siguruar fitoren Arsenalit me rezultat 3-2.
Welveck ia siguroi fitoren me dy gola (Getty Images)
Pas kësaj fitore, Arsenali mbetet në pozitën e gjashtë me 54 pikë, ndërsa Southamptoni në vendin e 18-të me vetëm 28 pikë.
Në takimin e radhës, Topçinjtë luajnë në udhëtim te Newcastle United, ndërsa Southamptoni e pret në shtëpi Chelsean. /Telegrafi/
https://www.dailymotion.com/video/x6hi3yc
https://www.dailymotion.com/video/x6hi49a
