Arrestohet një i arratisur mafioz italian, pasi u pa në Google Street View në Spanjë

Policia italiane ka kapur një të arratisur të mafias – i cili kishte qenë në arrati për gati 20 vjet – falë ndihmës së aplikacionit Google Maps.

Sipas medieve të huaja, përcjell Telegrafi, pas një hetimi dyvjeçar, Gioacchino Gammino, 61 vjeç, u gjurmua në Galapagar, Spanjë – qyteti që është afër kryeqytetit Madrid – ku jetonte me një emër të rremë.

Një fotografi e pamjes së rrugëve të Google Maps që portretizon një burrë që dukej si ai përpara një dyqani frutash ishte kyç në nxitjen e një hetimi më të thellë.

“Fotogrami na ndihmoi të konfirmonim hetimin që po zhvillonim në mënyra tradicionale”, citohet të ketë thënë Nicola Altiero, zëvendësdrejtor i njësisë italiane të policisë antimafia (DIA).

Gammino, një anëtar i një grupi mafioz sicilian të quajtur Stidda, ishte arratisur nga burgu Rebibbia i Romës në vitin 2002 dhe në vitin 2003 ishte dënuar me burgim të përjetshëm për një vrasje të kryer disa vite më parë.

Altiero tha se Gammino është aktualisht nën paraburgim në Spanjë dhe ata shpresojnë ta kthejnë atë në Itali deri në fund të shkurtit.

Ndërkohë Reuters nuk ishte në gjendje të gjente një përfaqësues të Gammino për të komentuar. /Telegrafi/