Arrestohen 24 persona për kontrabandë droge në Mal të Zi, Abazoviq: Më në fund shteti po e lufton krimin e organizuar

Në operacionin e gjerë policor në Mal të Zi, u arrestuan sot 24 persona, të cilët akuzohen për kontrabandë me 2.5 tonë marihuanë.

Veprimi u krye nga oficerët e Sektorit për Luftën Kundër Krimit të Organizuar dhe Korrupsionit – Departamenti për Luftën kundër Kontrabandës së Drogës.

Aksionin e ka mbështetur edhe zëvendëskryeministri, Dritan Abazoviq, i cili ka pohua se më në fund shteti po e lufton krimin e organizuar, transmeton Telegrafi.

“Malit i Zi më në fund po bëhet armiku më i madh i krimit të organizuar! Unë e mirëpres aksionin e policisë dhe Departamenti për Luftimin e Kontrabandës së Drogave – SBPOK, ku disa persona u arrestuan këtë mëngjes për trafik droge. Ky është vetëm fillimi!”, shkroi ai në llogarinë personale në Twitter

Ndryshe, gjatë aksionit u konfiskuan pesë automjete, një skaf, një pistoletë dhe një pushkë gjuetie, si dhe një peshore për matje precize, para, disa telefona dhe karta SIM. /Telegrafi/

Država 🇲🇪 konačno postaje najveći neprijatelj organizovanog kriminala!

Pozdravljam akciju @PolicijaCG i Odsjeka za borbu protiv krijumčarenja droge – SBPOK, u kojoj je jutros uhapšeno više lica zbog šverca narkotika.

Ovo je tek početak!

Puna podrška za ovakve aktivnosti! pic.twitter.com/nhXk6q1tcB

— Dr Dritan Abazovic (@DritanAbazovic) February 10, 2021